狐狸“愛”作戰
英超新霸主李斯特城今晚將會主場迎戰愛華頓,到時皇權球場萬衆歡騰,慶祝球會一百三十二年來首奪英格蘭最頂級聯賽冠軍。為證明球隊並非浪得虛名,今戰定必全力爭勝,令入場球迷更加熱血沸騰,一於盡情狂歡。
聯賽排十一位嘅愛華頓已功德圓滿,之前都希望爭個足總盃決賽席位,早已將聯賽拋諸腦後,可惜都係功虧一簣,最终畀曼聯搞“謝”,目前更全無目標,冇理想、冇大志,基本已冇任何爭勝意慾,只踢埋最後兩三場等收工。既然今晚對手大肆慶祝,無謂在對方地頭攪亂派對。初盤李斯特城讓平手/半球,捧李城嗒“糖”甜到漏。
成功非僥倖,李城今季表現有目共睹。無論遇強遇弱,都踢出球隊應有鬥心及拼勁,團结就是力量,雲帥令球隊上下齊心一致就係最成功之處。此外,射手華迪與熱刺卡尼只有三球之差,仍有機會爭奪神射手,今仗要為球隊爭勝之餘,亦要為爭取個人榮譽而戰。“拖肥糖”近八場聯賽只贏過般尼茅夫一場,戰鬥力經已大減,且又冇爭勝動力,不如贈興好過攞景。
推介:李斯特城2:0
足球評述員 Ben
留言