聖日門獵“孤”行動
巴黎聖日門在國際冠軍盃兩戰兩勝,先殺國際米蘭再斬“馬”,同樣以三比一大比數擊倒對手。六個入球其中有五個係後防球員入波,可想而知聖日門嘅“後排”攻擊相當煞食。三大攻擊手卡雲尼、迪馬利亞及馬杜迪仍未“起Q”,火力已經咁得人驚,殺得性起,相信今場對住李斯特城亦絕不留手。
英超冠軍李斯特城今季首度參戰歐冠大賽,將會與歐洲各大高手過招,國際冠軍盃可以話初試啼聲,但以人腳班底,明顯未有足夠實力,首場對住屬二線嘅些路迪,“狐狸幫”亦只能被對手逼和,要挑戰聖日門未夠班。初盤巴黎聖日門讓半球/一球,捧大巴黎攻“城”有計。
聖日門擊敗國米與皇馬,兩場比賽都贏得清脆利落,一眾球員都顯示出極佳狀態。今場爭勝動力,衹要擊敗對手,就可以奪得北美區冠軍,最後一場國際冠軍盃,聖日門當然要好頭好尾。
今季加入梅沙、靴蘭迪斯及文迪等新援,“狐狸幫”三線實力確實有所增強,但球隊本身整體踢法,依然離不開英式衝鋒陷陣打法,對住歐洲豪門級勁旅,李斯特城始終處於下風。
推介:巴黎聖日門3:0
足球評述員 Ben
留言