有傳媒問及澳門貪腐的問題，「澳門好多利益、水好深」如何落實建設一個廉潔政府的參選宣言？賀一誠笑言︰「我有一米七幾，都仲未浸得死」。他強調，澳門要建設廉潔政府，是不可避免及不容質疑的問題，但現時只是公佈參選宣言，未是適合時機詳述建設廉潔政府的想法，「可以講時一定講，不會走數」。
被問到如何修補政府和居民之間的互信關係，以便推動政策落實？賀一誠說，政府需要多聽基層市民的意見，但亦需要平衡各方利益，「呢個利益，唔係輸送利益，而係將利益損害減至最低。唔係為咗某一批人而去輸送利益，呢個唔係我的方針，亦不是我做人的風格。」
至於賀一誠的參選理念提出「變革創新」，他說，「出一個問題再解決一個問題並非善治，「因為出一個問題，社會遊行一次就改一次，唔遊行就唔改，呢個唔係有效的管理」。變革是世界發展趨勢，但不會為了變革而變革。澳門有很多問題，尤其是行政制度的問題需要從源頭上解決，例如「識人好過識字」，「澳門的行政制度沿自葡國，三十多年沒有改變，值得檢討。」
賀一誠表示，對於行政改革上的問題自己心中有數，否則不會寫入參選宣言當中。他說︰「改一定有震動，改一定會有陣痛，呢個改一定要得到居民的支持，我才能改。做任何嘢唔改係最舒服，日子都係咁過啦。但唔係我哋可以對得住大家的作風。改變可能是痛苦的過程，改咗可能比以前衰呢？無人知。當我哋係為咗好而改，希望得到市民支持，不好為咗改而改，亦都唔好為咗唔改而任何嘢都唔做，呢個係不作為。坦白講，如果要不作為，我寧願不參選。今日參選咗，我就有信心、有決心去做啲事。」
至於當選後會否推動政改？他說︰「呢個制度已經行咗咁多屆，進一步點樣再聽社會意見，但呢個係中央權限，工作量亦都很大。」