巴塞完美“殺科”戰
西甲明晨上演最後一輪比賽,經已奪冠嘅巴塞將在魯營球場開騷,展開捧盃大派對;同時亦為“廿三冠隊長”沙維送上西甲告別賽,意義重大,相信唔會輸波收場咁掃興。就算統帥安歷基派出副選上陣,其實力亦足以殺敗今場對手拉科魯尼亞。
排第十七位嘅拉科魯尼亞依然存在降班危機,今仗最少要搶一分才能保住西甲位置,預料必會誓死一拼,奈何球隊戰鬥能力實在有限,除非巴塞放軟手腳,否則難以不敗而回。初盤巴塞羅那讓球半/兩球,即使有“牙擦蘇”缺陣嘅巴塞火力依然十足,最低消費兩球應該冇走雞。
如無意外,安歷基將會派出艾迪安奴、拉芬拿、羅拔圖及柏度等後備兵上陣,由阿仙奴過檔嘅華美倫亦會首次在西甲亮相。當然由“大哥大”沙維領軍,加上仲要爭神射手嘅美斯,的確夠殺有餘,又點會放過拉科。
榜尾形勢的確相當混亂,拉科魯尼亞點計都要對住巴塞贏唔到亦不能輸,否則就要聽天由命。但對住地上最強期望唔大,唯有講句:“祝你好運!”
推介:巴塞羅那3:0
足球評述員 Ben
留言