安察洛堤：皇馬呢啖飯真係唔易食！（設計對白）  

賓尼迪斯：招呼大球會老細呢家嘢，我有經驗喎！（設計對白）  
今季四大皆空的皇家馬德里，昨日正式宣布解僱教練安察洛堤。隨著「肥安」下台，現執教意甲球隊拿玻里的賓尼迪斯，迅即成為繼任大熱人選。

55歲的安察洛堤於2013年接替摩連奴入主班拿貝，上任首季即帶領球隊贏得夢寐以求的歐聯冠軍，加上贏得西班牙盃，鋒頭一時無兩。只可惜，皇馬今季成績大倒退，於西甲、西班牙盃及歐聯均受挫，未有任何獎盃落袋下，結果不幸成為皇馬近12年以來，第九位被炒教練。

對於「肥安」慘食「無情雞」，皇馬會長佩雷斯表明是一個艱難的決定，但就強調球會要求是相當之高：「球迷與球員都愛戴安察洛堤，但我只可說，皇馬的要求是非常之高！」

放棄向曼聯買斷小豆

隨著「肥安」被炒，皇馬新教練人選亦有眉目，據「肥安」的經理人向傳媒爆料，賓尼迪斯幾可肯定是下任皇馬主帥，他是否能滿足到皇馬的高要求？球迷可放長雙眼。

另外，皇馬亦決定放棄從曼聯「買斷」查維亞靴南迪斯。「小豆」今年以借用身份效力皇馬，他來季會是返回曼聯或是再被外借到其他球會，相信日內會有定案。