日前,有傳劉青雲將會演出電影版《大時代》「丁蟹」一角。
除咗林峯確定會加盟電影版《大時代》,其他演員暫時未落實。
TVB神劇《大時代》重播成為城中熱話,所以一直有傳劇集會開拍電影版。日前,有消息指韋家輝(《大時代》監製)同導演杜琪峯已經開始籌備劇本,電影版將會由TVB同英皇一齊投資,韋家輝擔任監製同編劇。據聞「丁蟹」一角唔會搵番鄭少秋,反而會由電視版演「方展博」嘅劉青雲嚟做!至於其他演員方面,除咗英皇想擺林峯入去,其他角色就暫時未落實。
雖然早前有傳TVB想用返旗下藝員,有意畀岑麗香演慳妹、陳凱琳演龍紀文、馬國明、黃浩然做丁蟹啲仔。不過,有份參與電影嘅知情人士就話:「電影始終係電影,你有冇見TVB有份投資嘅《賭城風雲Ⅲ》,用旗下藝員做主角呀?頂多做下啲閒角,所以《大時代》嘅電影版,一定會搵返啲有賣座力嘅電影演員嚟演。」消息傳出後,有媒體致電劉青雲嘅經理人,但對方就話未收到邀請。
留言