英超教頭唔易做
英超聯賽競爭激烈,爭標嘅爭標,護級嘅護級,做球員嘅只要踢好每一場比賽,但做教頭就認真唔易做,成績唔好就要隨時“炒魷”,壓力比球員重得多。
英超只踢完八輪比賽,已經有兩名教頭“下崗”。新特蘭荷蘭籍教頭艾禾卡特因為球隊戰績不佳,經已自動請辭,成為今季英超第一位離職領隊。艾禾卡特“自炒”,係因為自知領導無方,對球會與球迷都有一個好交代。
利物浦踢完對愛華頓幾個鐘頭後,宣佈主帥羅渣士即時被解僱。羅蛇在一三年球季帶領紅軍勇奪英超亞軍,並成為當季最佳領隊,但現實歸於現實,冇盃捧,攞十個亞軍都冇用,始終都要執包袱走人。車路士目前成績一落千丈,老摩極有可能成為今季第三位離開球會的領隊。老摩之前曾經講過:除非“油王”親自下“聖旨”,否則絕對唔會自動離職。不過,風雲驟變,乜嘢事隨時都會發生,老摩捱唔捱到半季都成問題。
不如大家又估一估,到底紐卡素嘅領隊麥卡倫“下課”先?還是老摩冇得撈先?
足球評述員 Ben
留言