比利時受讓有“法”
歐國盃外圍賽下星期又再烽煙四起,各隊經已磨拳擦掌積極備戰,明晨將會有法國對比利時兩支強隊進行“對練”,戲碼不俗。
明年歐國盃決賽周將會由法國主辦,所以法國無需踢外圍賽,目前有足夠時間可以調兵遣將排練,但肯定依然會以賓森馬、保羅普巴、基奧特、華貝拿及馬杜迪等為球隊核心,中前場確有一定競爭力。但講到後場防守力,似乎仍未去到列強級數,哥斯尼、沙格拿及華拿尼都係欠缺穩健性,能守而不穩。今仗對住攻擊力十足嘅比利時,法國防線未必可以守得住。
比利時近一兩年湧現出唔少具質素球星,夏薩特、迪布尼、費蘭尼、韋素及贊奴沙等,正處於當勇當“弗”期,一對攻擊組合賓迪基與盧卡古都屬於危險分子,加上高柏尼及華美倫鎮守防線,比利時前中後三線都相當均衡,整體實力絕對不在法國之下。由於今仗屬友賽性質,拼搏程度雙方都會適可而止,和波應該係最合理戰果。初盤法國讓平手/半球,受讓嘅比利時值得捧場。
推介:和波2:2
足球評述員Ben
留言