「天王嫂」方媛喺凌晨急發聲明,否認一腳踏兩船。
郭富城高調公開戀情後,不時喺微博貼拍拖相大放閃光彈。
已經50歲嘅郭富城(城城)高調公開同27歲內地(口靚)模方媛(Moka)拍拖,即時成為全城熱話,至於Moka嘅往事就愈爆愈多,當中就包括Moka喺10月中先同前男友正式分手,但佢喺7月已經同城城秘密開始戀情!面對一腳踏兩船嘅指控,已經升呢「天王嫂」嘅Moka就喺凌晨急發聲明否認事件,強調自己喺單身情況下「攻城」,仲多謝男友城城嘅信任同支持。
喺聲明入面,Moka先講到佢之前刪除大量微博嘅原因並唔係為咗洗底,佢解釋:「關於刪除部分微博,因擔心被公眾關注造成不必要的困擾,我簡單地想刪除一些過去的工作照,沒想到某些人眼裡也成了我的心機。」其後,佢就再回應一腳踏兩船呢件事:「我是在完全自由、單身的的情況下和郭先生相處的。我個人認為這對我及對郭先生都是起碼的尊重,很感激郭先生給我帶來的開心及呵護,也很感謝他對我的支持和信任。」
留言