同時處理57工程人手不足
羅司:工作量大非卸膊
工務部門過去問題多多,多位議員齊聲批評。羅司認為過去一年有進步,但問題仍多;工務局、建設辦要搞五十七工程,人手不足,有些事不是不想做,也非偷懶、卸膊,係無能為力。
議員梁安琪批多項公共工程延誤、超支,甚至官司纏身,質疑責任不只承建單位,顧問、監理都有責,問羅司將承建商往績列入判給考量的修法工作何時完成。羅司同意梁安琪說法,但稱政府過去一年有進步,並非解決全部問題,現在仍大把問題。他同意每個工程中,承建商、設計、監理及業主政府四方都有責。
按部就班不半天吊
議員陳美儀問工務部門工作多,不會因合併、精兵簡政而減少,問題是否可以解決,不影響工作或拖延。羅司說,明年其領域預算應財政部門要求,減了三億,至四十七億元,但工作只會做多不會做少。坦言同意很多議員的提議,如麥瑞權的承建商分級建議,但得三千四百多人做唔切,“又做QS,又做承建商分級,我百分之五百同意,但我哋冇可能做。工程師、則師專業認證已經做到我哋唔知點樣,年尾到啦,我哋都做唔切。”他希望社會明白,不是他們“卸膊、偷懶”,事實確做不來,“崔世平議員問我,可唔可以做第五、第六通道,但我第四都未做得到。我唔會留低第四通道半天吊,我會做埋第四通道,如果唔係第四通道、第五通道又做唔到,兩個都做唔到。”
羅司昨為轄下部門“申訴”,指工務局及建設辦要處理七十七個則,跟進五十七個工程,包括離島醫院、新監獄、北安碼頭、第四通道等,大中細工程都有,工作量大。
留言