媒體
  • 澳廣視新聞
  • 政府消息
  • 濠江日報
  • 澳門日報
  • 力報
  • 新華澳報
  • 正報
  • 華僑報
  • 現代澳門日報
  • 論盡澳門
  • 澳門平台
  • MediaOutReach
  • 美通社
  • EQSGroup
分類
  • 專題故事
  • 要聞
  • 體育
  • 娛樂
  • 產經
  • 即時新聞
  • 澳聞
  • 中國
  • 國際
  • 生活
新聞
  • 議員斥搭的士難過搭飛機 羅司反駁:改善有目共睹
  • 益隆炮竹廠土地置換調查報告出籠 廉署捅破驚天 土地煉金案
  • 化解爭端 要對話不要對抗 南海仲裁並非終點
  • 南海仲裁 九段線被判無效 中方:非法裁決 絕不接受
  • 腰斬、手折、切割 辣手摧樹180株 殺樹狂徒造孽「綠色慘劇」
  • 一年停電13次玩殘舊區 居民一味反對建變電站慘過「撲水」
  • 新土地法激起萬丈浪 發展商細說南灣湖 千億大計的前世今生
  • 南灣湖收地前夕 當局再辦研討會 如何解讀新土地法勢掀論戰
  • 點火割脈雙料自殺 六旬男尋死原因離奇
  • 女生陪上樓取錢包誤墮「魔窟」 同班男同學竟是大色魔
  • 港珠澳大橋合龍成功 史上最長 「巨龍」現真身
  • 南灣湖CD區收地無可逆轉 官司勢難免 寶地徒養蚊
  • 千九經屋首批家團昨揀樓 快盈大廈三房單位最搶手
  • 英國退出 與歐盟43年緣盡 歐27國領袖聚首急商對策
  • 學者憂歐盟強硬回擊英國 在英升學澳生或淪「炮灰」
  • 司機疑轉彎「攞位太盡」 40 呎長貨櫃鎖路斷車流
  • 內地扒手集團本澳肆虐 卿本佳人 12歲女為何作賊?
  • 此「城」延續興衰之秋也 專家教路 創意救未來
  • 中央屠宰調查小學雞答案滿天飛 活雞勢成絕響 只差時間表
  • 巴士站違泊 一個月勸6,700次 論者:加大天眼執法 勝無謂口水

15年後再戰濠江 難題有多冇少 羅司笑對風雲 窄巷畫彩虹

2016-01-08 07:00

羅司長15年後再戰濠江,他指問題較當年多很多,但會在任期內盡力做好部門的總體規劃工作。(李國星攝)  

羅司長表示,交通問題已走進「堀頭巷」,只能見招折招。(互聯網圖片)  

新的驗車中心今年落成,「墨魚車」會是打擊目標之一。(互聯網圖片)  

輕軌問題關係重大,但何時能落成誰也不知。(資料圖片)  

堆填區飽和問題迫在眉睫,政府已有計劃把惰性廢料運往內地堆埋。(互聯網圖片)  

羅司長以「自助餐」比喻部門工作之難,風趣又新穎。(李國星攝)  

羅司長原來頗在假日坐巴士到處去,祐漢是他經常蹓躂的地區之一。(資料圖片) 羅司長指15年前新馬路可沒有現在擠迫,走在街上不會「迫下迫下」。(資料圖片)  

 
與司長對話之破舊立新 專訪運輸工務司司長羅立文

被傳媒封為「冷面笑匠」、「100分司長」的運輸工務司司長羅立文,接受本報專訪時不改本色,直言本澳的交通問題,已走進「堀頭巷」,連小學畢業生都知道;又指新城A區無砂填海,他「唔識點答」!更稱城市規劃的策略及總體規劃,不能只由一個司單獨執行;以至於多個大型基建的「爛尾」……,羅司長實話實講,笑對風雲變。

然而,統籌3,400名下屬的羅司長,指工務運輸範疇,關係特區政府未來10年、15年的整體規劃,「我當然會做好我自己範疇嘅事務」,他又稱,政府已落實的事務,跟他目前面對的問題,「好唔match(脗合)」,只能見招拆招。至於羅司長如何「窄巷畫彩虹」,且聽他一一道來。

澳門1999年回歸之時,正是羅立文被政府聘任為澳門駐里斯本經濟貿易辦事處主任之期(同時兼任駐歐盟、世貿經濟貿易辦事處主住),15年後強勢重返濠江,已貴為運輸工務司司長,離開這麼長的歲月,澳門有何改變?

澳門人大把錢但路難行

「差唔多,每一個方面都變咗,我唔覺得係好咗,又唔覺得唔好,係兩回事。」羅司長怕記者不明白,舉例指出,「行路當然唔方便,人多,行新馬路要迫下迫下,碰下碰下……大家都唔鍾意,但冇辦法。」不過,居民生活轉好,則是不爭事實,又笑說:「一般living standard(生活水準)高咗,個個都大把錢,個個揸嘅手機,都係最靚嘅款式。」

小學生都知交通難搞

不過,一提到交通,羅司長斬釘截鐵地說,一個30幾平方公里的地方,道路網400公里,但近期多一個公里都沒有,每個月又增加600多部汽車和電單車,「我覺得(交通問題)係一個堀頭巷!小學畢業生都知道係咁樣,基於呢個原因,我覺得呢個問題,冇得解決。」羅司長直言不諱。

羅司長又稱,澳門暫時好自由,未有政策強制汽車增長,不能實施入一部廢一部。 訪問當日是上月尾,他打趣說:「嗱,今日係月尾,明日又多600架車,你(記者)話我聽,有乜解決辦法?」

「自助餐」論部門難處

羅司長任期還有四年,雖然他一再指出受四大難題困擾,即「冇地、冇時間、冇人才、冇效率」。但工作還得繼續下去,被問及如何在這困境中推進?羅司長自有一番妙論。

他稱,在運輸工務範疇下,由司機至領導,有3,400多名員工,特區政府給予的工作量,與他們實際能承受的「唔match」,「你去食buffet(自助餐),嗰啲人嘅碟擺好多餸,你食唔食到?食唔到嘛,但嗰啲人都係擺咁多餸,我哋就有少少呢種情況。」羅司又以自助餐比喻部門難處。

羅司長坦言:「只有十個人,但畀20人嘅工夫你做,係做唔到嘅,咁咪做死你囉!」

部門文化有待改善

除了人手問題,行政程序緩慢,亦是其中一道難關。羅司長指出,這個問題存在於政府不同部門,認為各方面都有檢討空間,他舉例:「我哋要問第二個部門攞意見,通常30天內要畀到意見,但唔少部門都超過30天。」又稱,當然每個部門都有自己的理由,例如工作量大,這確實是政府的一個問題;解決之道,是大家做事的文化需要改一改,要快一點。

深層次內部隱憂

除行政程序拖慢效率,惟羅司長說出另一更深層次問題:「政府落實嘅嘢(工程、合約、政策),同我返到嚟面對嘅問題,例如北安碼頭、輕軌車廠等,同埋3,400名員工,係好唔match,喺呢一方面,我認為係唔夠時間做嘢。」

羅司長還對立法會議員還擊:「好似好多議員講,不如你做其他嗰啲嘢啦?我連應承落實嘅嘢都做唔掂,你又叫我做嗰啲咁嘅嘢!」

面對目前諸多難題,羅司長有何拆解之法?被問及眾多工程延誤,是否法例存在不足、「灰色」之處?例如「海一居」事件,政府批則一批七年,是否法例沒有訂出明確規管政府批則的時間表?修法又是否可行之道?

發展商賴得就賴?

羅司長去年在立法會表示,若議員一致要求修改《土地法》,他會配合。但談到法例中有否規管政府批則的時間表,他反應頗大,認為一般批給土地分「發展時間」及「利用時間」,發展商一般會在開始的五、六年,進入發展及利用階段。

「係咪政府由第一年、第二年、第三年……第23年、第24年、第25年,年年都阻住你呢?係咪我哋做嘢,做得咁慢?你(發展商)五年發展唔到,咁七年、八年、九年、十年啦。」羅司長連番發炮,但始終沒有回答有否需要修法的問題。

投訴信雪片般飄來

羅司長又稱,不少個案指責工務局批則緩慢,但他直言,有些圖則有問題,根本不能批,於是不停有人去信他那邊投訴,「一個司長辦公室,一個做政策、做決定嘅地方,今年(指去年)就快收到10,000份文件……我唔可以唔畀你寫信畀我,我又唔可以唔畀你入份則畀我!」說到此,羅司長有點動真氣。

城市規劃「老細」統領

「海一居」事件不過冰山一角,對於涉及整個社會的發展策略及總體規劃,羅司長認為,雖然必須按照法律執行,但不應該由一個司來做,所以一定要由行政長官統籌。

「我唔想畀人個印象,好似我踢個波畀長官,但係如果做策略,我當然會做好自己範圍嘅嘢,我唔會做隔離嘅範圍,所以一係五個司一齊做,或者同埋老細一齊做。」羅司長強調,城市規劃關係澳門未來10年、15年的城市「樣貌」,所以不是一個司話得,而是要政府話得,才能收貨。

死結問題只能小修小補

談到城市規劃,又不得不提交通政策,羅司長慨嘆, 現時惟一可做的事,「係improve(改善)嗰度、improve呢度、improve嗰度」以手勢比劃「十個茶杯九個蓋」如何做法,務求令整體效果可以改善一點。

環保大計今年啟動

不過,講到今年的環保大計,羅司長變得積極,指兩個環保大計非常重要,一是廢料、二是廢車。首先,由於深圳去年發生堆填區崩塌慘劇,而本澳只得一個堆填區,卻又愈堆愈高,「我希望唔會崩啦。」

羅司長稱,期望2017年可以將部分已分類好的惰性廢料,運到廣東省堆埋;另外,新的驗車中心今年落成,並提高驗車要求,將不合標準的車輛淘汰。不過,羅司長打趣說:「我希望議員嘅要求唔好咁高,否則如果架車唔得,我都唔知將架車擺喺邊度?!」但就期望將已壓件的廢車,運回內地處理。

after.....words 個人篇

放假行街屢遇趣聞 羅司自豪:從來冇市民鬧過我


羅司長雖然坦言澳門的交通已走進「堀頭巷」,但他每逢周六、日,有時間都會坐巴士出外蹓躂、體察市況一番,羅司長較喜歡由氹仔坐34號到北區,有時又會乘9號、9A去高士德一帶,有很多次他都有「奇遇」,但最讓他欣慰的是,從來沒有居民對他不禮貌,「鬧我?冇!到今時今日,一個都冇!」外表幽默、風趣的羅司長儘管直言對交通問題無能為力,仍深得居民愛戴。

話說羅司長周一至周五出入有政府車接載,到了周六、日,不想開車便坐的士或巴士外出,很多時都會坐34號到台山一帶,然後在街上蹓躂一、兩個鐘頭。由於他經常出鏡,加上「鬼鬼地」樣貌很容易被居民認出,於是便生出不少趣聞……

「呢個呢,係一個好好嘅surprise(驚喜),因為澳門同歐洲文化完全唔同,喺Lisboa(里斯本)街上見到一個官員,人家即使認得,都唔會出聲,但澳門人會主動:『司長你好呀』,真係一個好好嘅surprise!」羅司長笑嘻嘻地說。

有一次更誇張,羅司長周末自己開車去祐漢,不久返回停車場取車,在繳費處準備付款時,一名男子衝上前,大叫:「司長我畀,司長我畀。」原來那名男子見到羅司長,一時喜不自禁,竟搶著替他付款。「我話唔使。呢個case我覺得好極啦。」羅司長回憶當時情景。

「咁耐以嚟,有冇居民喺街上鬧過你?」記者問。「冇!到今時今日,一個都冇!」羅司長又稱,居民跟他在街上淺談,有一件事不得不提,就是至今沒 有試過有人跟他聊天時,態度不佳的。

另一次在迫巴士期間,羅司長更是印象深刻,「嗰次迫到喺門口,成個路程,周圍的居民爭著同我講,嗰度要執下、嗰度唔知要咩、嗰度又唔啱、嗰度應該做多啲……但個個態度都OK。」小小的巴士車廂,一時間竟變成與司長「論政」的舞台,令他哭笑不得。

力報新聞



關注CyberCTM