紅軍要為英超爭氣
歐冠盃與歐霸盃已進入決賽階段,今季幾乎又係西甲天下,幸好利物浦都為英超爭返一啖氣,在歐霸盃保住英超聲譽。歐冠盃上演一四年决賽翻版,兩支馬德里市展開打吡戰,“五 · 二八”皇馬決戰馬體會。
馬體會一路過關斬將,先後淘汰巴塞與拜仁兩支前冠軍球隊,強勢銳不可擋,今次又再與同市死敵碰頭,能否報回兩年前一敗之仇,大家拭目以待。今場冠軍之戰絕對係勢均力敵,兩隊近年交手都殺得激烈。相信唔少球迷會對皇馬較為睇高些少,但唔好忘記,近十次交手,皇馬只贏過一場,反而馬體會取得五勝。今戰在中立場決勝,鹿死誰手確要打過先知。
另一場歐霸盃決賽,由利物浦對西維爾。紅軍相隔九年後再一次殺入歐戰決賽,可以話責任重大,事關英超與西甲都被譽為世界最頂級聯賽,紅軍必要打破西甲壟斷歐洲戰場,為英超聯賽爭一口氣,亦希望“克帥”今次能夠打破“二奶”宿命。西維爾今次再奪冠的話,將連續三年封王,這支西甲奇兵的確唔簡單。與維拉利爾相比,西維爾絕對係更難應付的對手。
足球評述員 Ben
留言