【本報訊】昨早的「澳門論壇」討論「《土地法》爭議」。新澳門學社理事李國強回顧，歐文龍曾指出，六百萬以上的批給需得上司批准。歐文龍被判有罪後，政府遂提出修改《土地法》來堵塞漏洞，以限制特首的相關權力。
對於發展商聲言，有很多問題導致二十五年仍未能發展土地，李國強認為，回歸之後，土地的價值急升，人人都想在批地到期前數年才發展，從而賺取最多金錢。他比喻：「好似入去賭場玩廿一點，個個都係搏牌。(發展商如同) 爆咗廿一點先話推倒重來 (說)：不如我哋玩卅一點啦！」
若唐曉晴的提案獲通過，可能「放生」海一居的土地，對此有何看法？海一居業主聯合會會長高銘博表示，因為不是法律專家，沒有深入了解，很難回答修法或釋法的問題。
「我只知道澳門要有澳門公義、普世價值觀。真金白銀去買嘢，冇理由就咁冇 (樓住)。」高銘博又聲稱，只知道三千多個苦主，用辛辛苦苦的血汗錢購買樓花，現在卻如同乞丐。並說：「我很簡單，很直接。我農民思維，我買嘢，你就應該畀嘢我，你就唔好同我拖拖拉拉。」
趙崇明大講「屈機」
律師趙崇明建議拋開自身需求、發展商賺取可觀利潤的立場去客觀審視：「而家係點呀！廿五年！夠鐘！到期！收地！沒收溢價金！唔需要考慮任何理由！亦都唔能夠考慮任何理由！亦都冇任何轉彎餘地！咁確實真係幾屈機！」
「我唔會認為普遍市民都諗：『你畀人屈死，抵死啦！哈哈！』大家留意，呢尐大量資金投入，發展商又好，其他利益持份者都好，佢哋係用真金白銀，係佢地哋財產，應該得到法律保障。而家唔係幾蚊打舖機，係幾十億、幾百億。」趙崇明認為，是制度本身可以「屈人機」，政府只是說：「唔好意思，GAME OVER。」
麥興業：有否需要修法釋法
有意見認為，應由法院裁判二十五年不發展的土地，律師麥興業稱：「係咪下下去到法院，就得到一個認受嘅判決？唔一定係。只不過法院係莊嚴嘅地方，我哋會視法院出嚟嘅的判決係公正。但係，法官判決嘅唯一依據係法律。所以，我哋應該參透一下，究竟呢個法律有冇需要修改、釋法？」