網絡圖片
Uber向司機及客戶發出告示稱，若政府仍未對Uber合法化有所進展，將於9月9日提供最後一日服務後退場。
Uber表示，登陸澳門近一年來，超過2,000名全職或兼職司機透過Uber平台提供服務，為澳門帶來超過2,100萬元的經濟收益。然而，治安警過去已對超過300名司機出總數達1,000萬澳門元的罰款，有關罰款正以每週平均100萬元的速度不停增長。雖然曾多次要求與運輸工務司司長羅立文會面以表達訴求，但卻屢遭拒絕或不作理會。
Uber又指，警方在毫無法律依據下將乘客拘留在警察局，甚至屢次造訪司機的住處並對其造成騷擾，這種執法力度對乘客及司機帶來不可接受的負擔。今日有市民在網上社交平台反映，送小孩上學都被警方當是Uber，更在馬路中間查證，直言警方︰「好顛！」。
有關留言獲得不少市民分享及回應︰
「要查都唔係咁查啦！雖然我都見過有車咁截黑的查，但咁真係危險，又有細路仔！出事又話警察做野呀？」
「我真心支持uber留澳，雖然有時比的士貴，但起碼我俾錢唔洗受氣。又可以預到時間。」
「點解市民會中意uber？咪就係因為澳門的士服務已經到達一個差得無法容忍既地步，漠視民意，倒行逆施，正一垃圾政府。」
「依架每日上演緊警匪片咁!!!我見過便衣車渣緊車突然上警燈即刻追前去截停7人車！我以為拍緊警匪片咋。」
「咁做法姐係有殺錯，無放過喎！普通市民渣車都要提心吊膽，唔止驚道路三寶，仲要驚我地偉大既政府部門執法。」
「警察捉uber捉到好似捉賊咁 唔知既人以為係捉緊走粉 走軍火d大拆家咁 做其他野唔見咁叻 影響市民既野就做到勤力過隻牛咁。」