張智霖坤哥擦出火花
張智霖繼早前發佈新歌《Hero》後,他和剛完成首個紅館個唱的吳業坤合唱的情歌《兵兵》全新MV昨日曝光。為配合歌曲內容,張智霖在拍攝當日以西裝恤衫兼打呔造形出現;打扮平實的坤哥則玩心思,陪女煲劇打機煮飯仔,又用筷子夾cake食,冧得吳凱欣眉開眼笑。
第一次正式合作,張智霖大讚坤哥:“佢唱得好好,佢就住我唱就差唔多。之前演唱會大家都合作過兩次,唱歌更加係第一次啦,幾開心個喎。我覺得佢係新一代、將來嘅歌神。”而坤哥就非常欣賞張智霖,合唱好開心之餘,MV中“爭女仔”亦屬大膽嘗試:“唱方面個range好闊,我都唱到七情上面,張生就好輕鬆咁樣去解決咗。呢個年代,我覺得冇一隻男男合唱歌,所以我諗呢隻歌大家都應該會覺得幾新鮮,好有火花。”
留言