台灣天王周杰倫(周董),將於明年年初喺香港紅館一連舉行六場「地表最強世界巡迴演唱會」。門票於今早十時公開發售,20分鐘內已火速售罄,可謂一票難求。門票今日開售,網上已有唔少黃牛黨提前放飛,原價480元嘅飛,最平都要1,100元,而680元嘅就炒到1,300元。至於1,080元嘅貴價飛,喺網上喪炒到12,880元,足足貴咗12倍。對於黃牛黨明目張膽炒飛,演唱會主辦單位發言人就話:「我們不鼓勵歌迷於拍賣網站或其他非正式的途徑購買門票,以免買到假票時嘅損失金錢,亦不能欣賞到演唱會。」
留言