西甲三雄有挑戰
今季除英超競爭激烈外,西甲同樣鬥得精彩,前十球隊只差五分,一兩場波隨時風水輪流轉,尤其睇過三大爭標熱門的幾場比賽後,似乎已經冇弱肉強食的局面。
衛冕的巴塞在七場聯賽已輸兩場,作客不敵切爾達情有可原,但竟在魯營輸畀超過十年未上過甲組的升班馬艾拉維斯,簡直荒天下之大謬。
皇馬與馬體會好少少,話晒都未輸過,不過七戰和三場,皇馬貴為全世界最頂級球會之一,呢七場戰績,皇馬迷應該難接受。馬體會有個好借口,開季兩連和可以賴狀態未足,近期三連勝,包括歐冠盃擊敗拜仁,狀態穩步上掦,唯一令人信服。馬德里雙雄目前雖叮噹馬頭居榜首,但只領先黑馬西維爾一分,多巴塞與維拉利爾兩分,要保榜首都幾難安枕無憂。但始終聯賽屬長途賽,路遙知馬力,巴塞、皇馬及馬體會平均實力確在群雄之上,幾支黑馬能否左右大局?或直接挑戰三大豪門,有待分曉。
Ben
足球評述員
留言