媒體
  • 澳廣視新聞
  • 政府消息
  • 濠江日報
  • 澳門日報
  • 力報
  • 新華澳報
  • 正報
  • 華僑報
  • 現代澳門日報
  • 論盡澳門
  • 澳門平台
  • MediaOutReach
  • 美通社
  • EQSGroup
分類
  • 專題故事
  • 要聞
  • 體育
  • 娛樂
  • 產經
  • 即時新聞
  • 澳聞
  • 中國
  • 國際
  • 生活
新聞
  • 新春參拜人數眾多 媽祖文化村天后宮設免費巴士接載善信
  • 與迪士尼人氣角色唐老鴨於上葡京慶祝 90 壽辰 澳娛綜合「Donald Duck 90–奇妙藝術館」登場
  • 薀莎廊重新開業
  • 澳門電訊即日起推出三星S24系列 AI智能手機
  • 俾利喇美食中心推全日下午茶餐回饋市民 帶旺人流 促社區經濟
  • 澳門鷺環海天度假酒店聯乘澳門國際婦女會 舉辦年度「聖誕假日市集:海島贈禮」
  • Lamborghini Huracán LP580-2 後驅輕跑
  • 亦虛亦實! 動漫美學另類形式
  • 神話構想RPG 踏上三界冒險旅程
  • 拍案驚奇•本土真人真事改編 奸人堅( 下)
  • 鐫刻的藝術! 木雕生命進化論
  • SOHO輕食! 紐約概念咖啡館
  • 美式傳統! 牛味特濃漢堡戰隊
  • 消暑日菜! 冰涼素面定食
  • 秋裝與履 一膝足成 今季潮
  • 聽出耳油! 原廠High-end汽車音響
  • 2017下半年愛情運勢
  • 穿梭老城 午夜覓食 新橋區
  • 家居風水真實個案錄(2) 桃花房丟空 感情出問題
  • 安全防護! Mazda汽車獲IIHS安全評價

港版築地! 新鮮直送扮遊日

2016-10-20 18:52

立吞壽司區的用餐環境無得輸,維港海景加埋直送海鮮,(左起)海鮮拼盤、A4和牛壽司盛和松葉蟹壽司盛,好歎!(李寶瑜攝)










想食新鮮魚生、海鮮?唔使特登請假坐飛機去日本,搭船過大海就得喇!事關上周港版「築地.山貴水產市場」正式試業,場地設於維多利亞港旁的灣仔碼頭二樓。場外有無敵維港海景,場內劃分不同區域,售賣日本直送海產、手製壽司、即燒海鮮和熟食便當等,可謂濃縮版築地。食飽之後,再轉戰銅鑼灣,食埋來自北海道暖男主理的日式刨冰,先至盡興而歸!

港版「築地」真係同日本有淵源,由東京築地市場最具規模的水產批發商之一「山治集團」所經營,每日由日本搜羅最新鮮優質的水產,供應當地及世界各地。於是每日下午3、4點,就有新鮮海產由築地運送到灣仔,加埋來自各國產地直送的時令海鮮,新鮮度爆燈。對於香港寸金尺土嚟講,場內佔地11,000呎,可容納400人,真夠大型。場內分為不同區域,一入場已見日本產品零售區、刺身外帶區、藍帶龍蝦包區、浜燒區和丼飯區等13個獨立區域,非常熱鬧,最矚目係立吞壽司區同海鮮生蠔吧,全場足夠逛大半日!

在試業階段,為控制人流,灣仔築地建議客人先在網上預約,可優先進場。

歎海景立吞壽司

入場即衝到立吞壽司區,因有落地玻璃盡現開揚海景,自然光透入特別舒服,更可體驗日本人的立食文化,得意又寫意。此區專售時令刺身及壽司,有師傅即製多款壽司盛合,最抵食係一碟五款不同壽司不過88元(港幣,下同),分別有招牌「金槍魚盛」、「A4和牛刺身」和「松葉蟹」等。魚生切得夠厚身,飯粒亦煙韌,當中的和牛雪花均勻、北海道帆立貝肉厚,加上師傅早在壽司內放入少許Wasabi,只要用掃灑啲醬油在魚生上提味,就已經好鮮美。另一邊海鮮吧的驚喜推介係368元海鮮拼盤,嚴選原隻龍蝦、蟹鉗、生蠔、翡翠螺、扇貝及鮑魚,其中南非鮑魚超彈牙鮮甜!

海鮮拼盤非常豐盛,新鮮度十足,南非鮮鮑係亮點!

木桶盛厚肉海膽丼

講真,場內每區都有小人龍,可見受歡迎程度。來到丼飯區,推介大熱「海膽丼」(268元),成板加拿大海膽鋪在白飯上,海膽色澤金黃又飽滿,入口鮮甜甘香,真係齒頰留香。若想再豪華啲,可試「特上山貴丼」(238元),內有原隻蟹鉗、龍蝦肉、三文魚子及十幾種角切魚生,一次滿足多個願望!其他海鮮丼都不過百多元,而且有靚景送飯!記得試齊三種食法,先加醬油芥末或直接品嚐,第二係用紫菜包住飯和魚生做手卷,三係拿起檯頭的茶壼,加入高湯,變成茶漬飯,咁食先正宗。另外,對面的浜燒區亦傳來燒烤香味,師傅在客人面前燒海鮮,如即劏阿拉斯加蟹、波士頓龍蝦、生蠔等,吸引到痺!

丼飯用木桶盛著,甚有風味,海膽丼用了一板厚肉加拿大海膽。

阿拉斯加蟹大大隻非常生猛,即點即劏。

浜燒區有專人即燒海鮮,一邊燒已一邊讓人口水直流。

築地.山貴水產市場

地址:香港灣仔碼頭2樓

網址:http://yamataka.hk