摩帥面目無光紅魔慘吞車仔四蛋

媒體

分類

新聞

曼聯今日於英超大戰，有領隊摩連奴首次在英超以敵人身分造訪史丹福橋，結果慘吞前東家車路士四蛋，輸得面目無光！

車路士重返勝軌，對上兩仗皆勝，正選派出域陀摩西斯、尼高路簡迪、柏度、夏薩特和迪亞高哥斯達；曼聯有隊長朗尼因傷缺陣，伊巴謙莫域、保羅普巴、費蘭尼、拉舒福特等齊齊正選。摩連奴首次在英超以敵人身分重返史丹福橋。

然而開賽僅半分鐘，就目睹紅魔引火自焚。迪基亞、基斯史摩寧和戴利白蘭特發生誤會，柏度扭過門將後先拔頭籌，主隊拉開夢幻序幕。20分鐘，藍軍開出角球，中堅加利卡希爾混戰中抽入，拉開至2:0。26分鐘，哥斯達差點擴大優勢，但被迪基亞擋出，紅魔半場落後兩球。

換邊後，摩連奴換入馬達希望收復失地，紅魔卻在62分鐘再失一球，夏薩特接應馬迪的助攻錦上添花。諷刺地，兩位入球功臣均是傳聞中的「無間道」，有份逼走時任領隊摩連奴。70分鐘，簡迪在摩連奴的傷口上灑鹽，中路強行突破，扭過後衛面對門將，冷靜地射成4:0埋齋，領軍取得三連勝。

藍軍取得三連勝，賽後以19分升上第三位，落後三支同得20分的球隊曼城、阿仙奴和利物浦，而紅魔各項賽事六場不敗走勢斷纜，以14分排名第七位。

同日較早前，曼城主場對修咸頓一戰，只能打成1：1平手，再度失分而回。

摩帥面目無光 紅魔慘吞車仔四蛋