黃子華養狗不養兒
昨日,黃子華義務出席“支持領養,不棄養寵物”活動,不少粉絲都現身支持他。他透露近日也領養了一隻流浪狗,但呼籲大家養寵物前要想清楚,不要隨便棄養。
子華透露收養流浪狗的淵源:“一直我都想養隻名種狗,直至早前行山遇上一隻流浪狗,見牠十分可憐地叫,即時有帶牠回家養的想法。第二日帶齊袋和物品上山想帶牠回家時,已找不回。這事打破了我原本想買狗想法,覺得其實流浪狗都好得意又可憐,大可以領養牠們。之後有朋友在垃圾房發現另一隻幾個月大的流浪狗,於是我決定收養牠,現在大家已經好適應,都有兩三個星期了。”
子華表示:“我希望想養寵物嘅人,會用兩年認真考慮係咪有時間同心機去養寵物。(會否考慮養人?)哈哈,緣份好難講,可能有日行山,有個細路仔着住泳褲好似紅孩兒咁,嗌我嗲哋,我都會帶佢走。”
之後子華說是開玩笑,他補充說︰“其實想養細路仔,可以去助養甚至領養,不過慈善機構實認為我唔合格,因為睇我個樣,已流露出一股浪子嘅味道。”
留言