新春康體活動有意義
農曆新年長假期,不少市民都會選擇回鄉探親,但留澳過年亦有唔少好節目可以消磨時間。除了打機睇戲攻打四方城,做運動亦是一個與好友家人共度佳節的好選擇。往年民政總署與體育發展局皆會聯同多個團體、機構舉辦新春康體活動,安排各式各樣的體育比賽、匯演,大家在新春期間食得開懷之餘,亦不妨做運動鍛煉身心。今年随着政府體育範疇職能重組,新春康體活動改由體育局獨力主催。
其實中國人過節,不外乎拜年食大餐,各式各樣的賀年食品令人垂涎三尺,難免飲飽食滯。政府舉辦的康體活動,正好給予大家一個好機會,排走新年大吃大喝累積的脂肪,而且又可以與好友家人結伴參加,不失為新春期間的好節目。今年體育局安排六項康體活動,內容覆蓋長跑、單車、足球、籃球,亦有節日氣氛十足的舞獅匯演,以及推動傷健同融的活動,各適其適總有一款啱你。
舞獅匯演亦讓大家在濃厚的節日氣氛下,認識中國傳統的獅藝,增加對龍獅運動的了解,見識一下健兒們的高超技術,亦是一個唔錯的選擇。新春單車遊同樣為一班單車愛好者提供一個共聚交流的平台,一班知心好友齊齊踩單車郊野上,又可以讓一家大細親親大自然,脫離日常繁囂的都市生活,絕對是放假叉電的良機。
其實打機睇戲日日都可以做,食飯打牌亦可以隨時埋位。不如今個新年搞搞新意思,參加政府舉辦的康體活動,利用假期踏出第一步,培養運動習慣,提升身體素質。
賈大廚
留言