憑人氣韓劇《來自星星的你》爆紅的「男神」金秀賢,喺內地一直人氣高企。今年8月,內地傳出「限韓令」,但金秀賢似乎唔受影響。除咗避過換代言人嘅噩運,今日佢仲現身上海出席代言活動,唔少粉絲都聞風而至到機場接機。金秀賢亦非常識做,不斷揮手同粉絲打招呼,盡顯親民嘅一面。
自爆出「限韓令」以嚟,唔少韓星喺內地嘅活動都受阻,人氣男團EXO原定於本月17日喺南京舉行嘅演唱會,亦被迫宣布延期。金秀賢再次破例現身內地搞活動,有網民話同撞臉中國國家主席習近平有關。事關2014年金秀賢憑《來自星星的你》爆紅時,習近平夫人彭麗媛曾公開提及老公年輕時個樣,同金秀賢喺劇中嘅角色好相似,有網民笑言就係因為呢個關係,所以金秀賢先可以破例喺內地活動。
留言