五人足賽大有市場
近一年澳門足球燒得火熱。休戰大半個月的五人足球聯賽,經過一連幾個比賽日,已經進入最後直路。雖然季初一度有不少爭議、質疑聲音,不過賽事未受影響,依然刺激。
停辦多年的五人足今年正式復辦,雖然受賽期、賽制影響,今屆只有九支隊伍趕及埋班參賽,不過同樣睇頭十足。其中一直有“撈過界”踢粵超五人賽的千葉,開季前就被睇高一線;坐擁多名澳腳的加義,同樣表現出色;以大波鄒北記做班底的建華,繼續扮演黑馬角色。
三支球隊亦鬥到最後,下星期加義鬥千葉一戰,除了是今季賽事尾聲,亦是冠軍大戰,兩強相遇令人期待。
其實,五人足球在本澳大有市場,畢竟場地、人數要求較低,球隊組班較易。今屆縱使組織倉促,亦有多支球隊積極支持,惜足總明年會否再接再厲仍是未知之數。一季過後,球隊、以至球員對賽事復辦,反應正面,在此基礎及需求上,足總有條件繼續舉辦。
下一步需要完善賽制,將賽事正式規範化,例如延長賽期,設立升降班制鼓勵球隊力爭上游,增加比賽可觀性。如此一來,復辦五人足就能變得更有意義。
賈大廚
留言