樂壇天后王菲將於本月30日,喺上海舉行一場「幻樂一場」演唱會。距離開騷只剩下半個月,王菲亦開始同樂隊排練。今日中午,全黑上陣嘅王菲拎住熱飲到達綵排地點,佢喺工作人員安排下,先選唱難度唔高嘅歌曲開聲。綵排期間,王菲表情多多,一時唱到「O嘴」,一時又皺晒眉,更搞笑輕按喉嚨話要開聲。隨住綵排片段喺網上直播,部分歌單亦曝光,包括〈白痴〉、〈君心我心〉及〈微風細雨〉。由於王菲今次個唱門飛被黃牛炒至過百萬元人民幣一張,有網民笑言睇完綵排直播真係賺咗幾十萬。
留言