皇馬一路向“西”
西班牙盃十六強的最強戲碼必屬西維爾對皇家馬德里。惜皇馬在首回合輕輕鬆鬆贏三球收工,就算西維爾今仗返主場,但要翻盤反勝又談何容易,但求在球迷面前踢場好波爭口氣。
剛捧走世冠盃的皇馬近期喜事重重,聯賽一馬當先,上仗又炒起格蘭納達。最開心當然係C朗繼金球獎後又奪得世界足球先生,如此威勢一定唔會畀佢停。今仗繼續開火,初盤皇馬讓平手/半球,捧銀河艦隊有數“維”。
西維爾近況相當精神,上仗作客大炒蘇斯達四蛋,證明實力足以威脅三大霸主。惜班底深度不足,仍要兼顧歐冠及其他盃賽,只怕力不從心,集中精力於聯賽與歐冠實為上策。相反,皇馬兵強馬壯,首回合大勝亦非精銳盡出,即使三線發展依然有足夠兵力,“丹爺”要保持強勢,今戰必強陣殺敵。
推介:皇家馬德里2:1
足球評述員 Ben
留言