重用土炮利新人上位
甲足聯賽開鑼,冠軍大熱賓菲加順利開門紅,為力爭四連霸打下強心針。大波聯賽今晚開快車,上屆亞軍加義登場撼士砵亭,球迷又有好波睇。
近年澳門足球水平,無論代表隊、抑或聯賽水準都有所提升,不過在聯賽主導的身影,大多仍為外援球員。引入高質素外援,除了提高水平、競爭力,亦提高球會、以至整個聯賽的商業價值,此項法則可謂世界通用。但過度引援會否影響本地球員發展,仍是球迷最關注的問題。
談及引援,近年經常大手買入的中超最惹談論。但日前中國足協收緊引援政策,除限制外援註冊數目,更將每次落場外援人數減至三人,同時又要求球隊,每場正選陣容需要有一定數量青訓,相關條例可謂落重藥,料情況會有收歛。
回說本澳,雖然每年都有新人湧現,但成功上位不多,外援仍處於主導地位。今季不少前列球隊改變政策,加強重用本地華人土炮,例如加義今季就加入多名華將,份外親切。本地勁旅重用土炮,相信球迷喜聞樂見,畢竟本澳有不少潛力新人,仍等待機會上位,球隊主動增加本地球員,必定更能有助推動澳門足球向前。
賈大廚
留言