劉德華(華仔)喺泰國拍攝廣告期間墮馬受傷,導致盤骨撕裂。噚晚,華仔搭醫療專機返港。據了解,朱麗倩對老公受傷一事大為緊張,佢火速飛抵泰國照料華仔返港。不過,朱麗倩擔心同華仔同時出現會引起混亂,所以朱麗倩到香港後,早一步離開機場,趕到醫院打點一切。
華仔於零晨抵港後,即乘醫療專車送往養和醫院,在兩車前後護駕下,沿途有唔少採訪車追訪。接送華仔嘅醫療專車於凌晨1時抵達醫院,過百名傳媒記者一湧而上。事件擾攘近20分鐘,工作人員才開車門讓華仔下車。華仔戴住鴨舌帽,狀態清醒,但十分疲倦,額頭亦有傷痕。
留言