張繼聰同謝安琪於2007年奉子成婚,當時女方事業發展領先,被好多人話「女尊男卑」。近年張繼聰事業發展順利,喺家庭事業兩得意嘅高峰位,老婆謝安琪選擇全面休息造人,早前更宣布成功懷上二胎。今日適逢兩人結婚十周年紀念,張繼聰喺社交網站貼出同謝安琪十年前嘅婚照,仲冧爆話:「感謝你成為我的妻子及最好的朋友。晃眼十年,因為有你同行,就算走過高山低谷,我都覺得沿途風光明媚。能夠有如此靈魂伴侶,讓這趟地球之旅變得幸福圓滿。放心,我會繼續係我哋嘅婚姻生活裡面攪(搞)笑,令你繼續成為快樂的太太,Happy 10th anniversary, I love you honey .」
留言