謝霆鋒鄭容和合拍新戲雞同鴨講

媒體

分類

新聞

近日，謝霆鋒和韓國樂隊CNBLUE主音鄭容和，合作拍電影《決戰食神》，謝霆鋒更兼任美食總監一職。日前，兩人一起接受電視訪問，談到合作的問題時，謝霆鋒大爆當中最大的問題是「溝通」，他說：「我講嘢佢聽唔明，佢講嘢我又唔知佢講乜，但係我哋冇一次係為咗語言障礙而NG，就算三頁紙對白，我哋都冇講錯！」

謝霆鋒表示和鄭容和合作，最大的問題是「溝通」。

昨日，謝霆鋒與鄭容和亮相TVB娛樂新聞台節目《StarTalk》，兩人大談電影《決戰食神》的感受。擔任美食總監的謝霆鋒，表示最深刻的是要製作「2017年版麻婆豆腐」，他說：「傳統好重要，但係進步更加重要，所以我要改良啲菜式。」鄭容和就話自己最鍾意食薄餅同Pasta，拍完後亦有試過在家中下廚。

謝霆鋒與鄭容和一起向觀眾拜年。

在節目中，謝霆鋒大讚鄭容和勤力兼專業，正式開拍前一個月，已練習刀法。鄭容和則坦言沒有入廚經驗，他說：「有諗過可能會有困難，因為要喺中國逗留幾個月，所以拍攝前自己落咗好多苦功去練刀法，而且大家又好照顧我，霆鋒亦教咗我好多，所以拍得好順利，好放心。」

作為美食總監的謝霆鋒，被問到下廚時有沒有試過撞板？謝霆鋒就非常肯定地說：「一定有！仲好多次。每個人嘅口味都唔一樣，自己通常試食先，之後再搵屋企人、朋友試。就算自己覺得120分，都一定有人話唔好食，而家知道屋企人口味，所以唔太難搞。」此外，兩人亦希望除了廚藝外，可在音樂上多作交流。

兩人亮相TVB娛樂新聞台節目《StarTalk》，大談電影。

謝霆鋒 鄭容和 合拍新戲雞同鴨講