魯芬BB的婚姻恐懼

    專演又肥又壯最惡霸王鷄乸的演員，去世了！這藝壇稀有品種，可能從此絕種了，很是惋惜這株藝壇異卉，就是魯芬。一路好飛，駕鶴西歸，榮登極樂世界了。

    魯芬親人發訃聞：“感恩各界的愛與關懷，適時公佈喪禮安排。願魯芬BB早往佛國淨土，喃嘸阿彌陀佛！魯芬家人字。二〇一七年二月六日。”

    某些女角色可以好乞人憎。《女子監獄》電影，魯芬演“山東婆”，橫行霸道，專欺負鄭裕玲。她的電影顚覆了人間傳統思維，有的女人柔情似水，但有的惡起上來，有獸性冇人性。不要忘記，周星馳的電影，有一特異功能，善於搞鬼靚女形象，《喜劇之王》張柏芝、《食神》莫文蔚、《少林足球》趙薇，捧紅女星確有一手。魯芬到了周星馳手上，在《九品芝麻官》中演烈火奶奶。從此，只要有“惡女人”角色，魯芬外，不作他人想了。她從未做過“女一”；銀幕上又肥又惡的霸王鷄乸，觀眾誰不認識？

    魯芬演山東婆，藝名姓“魯”，以為真正山東人，非也。因為老友暱稱她“老芬”。但魯芬生前曾自報家門，“上海出世，不是山東人。”為何有山東人的型格呢？她說：“我十幾歲都係靚女一名，係基因問題囉。我屋企以前在上海開紅木家私店，算有啲錢。我同我細佬都有請奶媽。我細佬個奶媽就好靚。我個奶媽就大大份係山東人，飮咗山東人奶，我阿婆都話我愈來似奶媽，眞係人都癲。醫生話有基因，你飮咗佢啲奶水就似佢，My God。”

    “我有自知之明，照鏡會知自己斤両。”魯芬一生未婚，但曾入過一次婚姻註冊處。“可能大家唔會相信，好多年前，曾經有個男人為我流淚。當時，我同佢已在婚姻註冊處準備註冊。我臨陣縮沙調頭走，冇同佢結婚。因為，我覺得佢係同情我，而唔係愛我。結婚要睇緣份，眼見身邊許多人結婚、離婚，我冇信心。其實我有好多人追，始終我都係女仔，都想嫁得出……”

    山東婆烈火奶奶，近年被封為“魯芬BB”，更被網民稱“高登女神”，排名在劉心悠之上。兩年前，她與人氣主持李光洙拍糖果廣告，造型爆趣，歌曲悅耳，反應熱烈。去年，再與李光洙加劉以達，拍全新一輯廣告，妙趣橫生。不料，天妒紅顏，娛圈失一奇才。

    高  梁