陳敏之自爆有怪癖
產後極速收身的陳敏之,昨日為眼鏡店開幕禮擔任剪綵嘉賓。
敏之被問到如何能極速收身時,她笑言:“因要湊仔唔夠瞓,仲辛苦過拍劇。再加上又要餵人奶,所以瘦得好快,目前身形已經和陀B時差唔多。(上圍可有升Cup?)當然有啦,以前都未試過咁豐滿,但老公就話好唔慣,覺得我大胸好怪。”她又自爆產後有癖好,就係好鍾意聞BB味,每次回家一定要聞匀囝囝全身先滿足。她又笑言:“下星期我要復出拍新劇《溏心風暴3》,到時可能要帶埋囝囝的衣物開工,有時間就攞來聞吓頂癮。”
不過,她亦呻湊仔有時都好辛苦,近來囝囝經常扭抱先肯瞓覺,可能抱得太多,加上囝囝已十多磅重,抱到她手痛。
留言