回應網友訴求
思琦願與鼎爺合作
昨日,楊思琦出席香港愛護動物協會慈善活動發佈會。思琦當年與李家鼎兒子李泳豪分手時,惹得鼎爺不滿,但最近卻有不少網友希望她與鼎爺合作主持飲食節目。思琦對此表示歡迎:“睇吓有冇機會啦,佢講嘢好幽默,大家一定會好開心。”
楊思琦、陳法蓉、傅明憲、徐淑敏、龐卓恩、利嘉兒等昨日齊出席香港愛護動物協會與珠寶品牌聯手推出的慈善首飾系列發佈會。
昨日多位嘉賓都帶同愛犬亮相,但楊思琦卻沒有,她解釋道:“我都養過七隻八哥犬,但其中有兩隻已經去世,其他就留喺以前男友(李泳豪)家中。我現時都冇養狗,因為要湊女。或者等囡囡大啲再養吧,囡囡都好鍾意狗。(今年情人節有甚麼節目?)同囡囡和家人一齊食飯度過情人節。(沒有追求者約你嗎?)有係有,但我最後都冇應約。(與這名追求者可有機會發展?)唔知呀,順其自然啦,(你的擇偶條件如何?)最緊要愛錫我家人同埋囡囡,但都要睇吓有冇緣份先得。”
另外,最近有網民希望楊思琦和李家鼎合作主持飲食節目,思琦笑言:“我好歡迎呀,睇吓有冇機會啦,佢講嘢好幽默,一定會好開心。(可試過鼎爺的手勢?)當年同前男友拍拖時已試過,一早已知佢廚藝好叻,但當時冇時間跟佢學嘢。”
陳法蓉昨日穿上性感低胸裝現身,她自爆仍單身,但不心急,一切會看緣份,希望能找到一位跟自己有共同興趣、喜歡狗的男士作伴侶。她為免令身邊追求者誤會有發展機會,在情人節當晚沒有約任何人吃飯。
徐淑敏透露自從轉讓生意後,現時的心思和時間都投放於家庭上,夢想打造一個五星級的家。她指未來半年會出外學廚藝,老公都十分支持她。
留言