現年55歲劉德華(華仔),去月在泰國拍攝廣告期間,不慎墜馬跌傷盆骨,出事至今已留院醫療一個月。今日,有消息指華仔最快下月月初出院休養,但就要以輪椅代步,目前豪宅進行裝修工程,要加修一個斜台同扶手,還裝咗無障礙通道,等華仔回家休息。
華仔為人勤奮,以工作為先,目前因傷留院臥床。有知情者透露華仔目前可以短時間內坐一陣,只要將床頭升高就可以,但就仲唔可以落床,醫生預計華仔可以坐輪椅出院,佢亦因長時間臥床休息肥咗啲,不過由於華仔之前一直將體重控制得好好,所以就算肥一啲都睇唔出,反而睇起身更加精神飽滿。
留言