早前,張敬軒(軒仔)原定參加內地歌唱比賽節目《歌手2017》,但播出前夕卻被離奇抽起,惹來軒然大波。退出節目嘅軒仔,噚晚同王菀之喺香港紅館舉行演唱會頭場,兩人除咗帶嚟自己嘅經典歌曲,仲互相唱對方嘅歌。
軒仔唱完陳百強嘅〈等〉同自己嘅〈櫻花樹下〉後,自爆原本呢兩首歌喺為《歌手》準備嘅,佢話:「大約一個月前大家睇新聞都知道,當時這個節目想我唱多廣東歌,呢兩首歌一首是我嘅代表作,另一首係我偶像陳百強嘅作品,今晚有機會喺呢到唱呢兩首歌,算係了卻咗我嘅心願。」軒仔話會繼續用聲音去唱更多好歌,因為歌曲先可說明一切,然後向觀眾鞠躬示謝意,不少歌迷都聽到眼濕濕。
留言