船廠被夷為平地

澳門土生協會理事長飛文基
對於政府未有規劃便強拆荔枝碗船廠，澳門土生協會理事長飛文基認為，政府隱瞞其計劃詳情已漸成慣例，此舉令公眾難以參與討論，又指荔枝碗有其價值，適合發展成文化村，保留舊建築亦有助市民建立歸屬感，「為咗發展有啲野要犧牲，但犧牲用嚟擺啲咩落去﹖你擺啲嘢對我地根本完全冇價值。」
飛文基表示，政府直至現時仍未公佈荔枝碗船廠清拆後將有何規劃，令公眾難以參與討論。「計劃一定有，但你唔知佢做咩。市民覺得已經係慣例，政府唔會話你聽做咩。」「你話危樓又好，咩都好，剷平左你到時會點先得格。其實你要做啲咩﹖」
他認為，澳門的起點是漁港，跟海洋關係密切，荔枝碗的船廠因而有其重要意義及價值，適合變成一個文化村。「又起公屋，我覺得比較浪費。有個地方可以保留路環特色，或反映澳門較傳統既特色，咁會好靚。一個文化村，你話幾靚，我覺得好多人都會去。」「澳門成日話做休閒區，都要有野俾人睇。」
對於早前葡語社群亦發起保育荔枝碗聯署行動，去年藝術節以「老澳門」作為土生土語話劇題材的飛文基指，葡語社群其實一直很積極，但礙於語言，其他市民未必知道他們的討論。他表示，近年澳門不少老店結業、有價值的建築被拆毀，葡語社群亦同樣感到非常可惜。「例如龍記執笠，我地覺得好可惜，一講到龍記可以講好多野。好多野都係咁，逐漸唔會存在。」
「講到澳門城市身份，我哋見到每日有好多野，侵犯咗澳門嘅特色。有時好難講，為咗發展有啲野要犧牲，但犧牲用嚟擺啲咩落去﹖你擺啲嘢對我地根本完全冇價值。」
他認為，現時澳門缺少文化政策，令澳門的文化未能得到好好保護及推廣。「如果你有一個文化政策，你企得硬，好多野可以保護到。」又認為現時澳門的變動太快，難以形成回憶，亦令人難以對澳門產生歸屬感，「唔係話無端端有歸屬感，你要面對住一個地方，令你有回憶先可以有歸屬感。」
聯署連結：停止清拆荔枝碗船廠
https://www.ipetitions.com/petition/stop-the-demolition-of/?utm_medium=social&utm_source=facebook&utm_campaign=button