現年27歲嘅韓團男團EXO前中國籍成員鹿晗,退團後專注喺內地發展,人氣不降反升。早前,網上瘋傳一份內地當紅明星嘅片酬身價,當中鹿晗叫價仲高達成億人仔,認真誇張。今日,有「中國第一狗仔」之稱嘅資深媒體人卓偉,大爆鹿晗有女友兼育有一子,令鹿晗忽然「升呢」當爸爸,惹嚟網民熱烈討論。
消息曝光後,鹿晗即時透過經理人公司澄清傳聞,佢嬲爆話:「造謠可恥,胡說八道!對於道聽塗說的執念,訴說的力量也許不足以對抗,真相這事,需要時間沉澱。敢撂狠話,是因為那種打臉的感覺很爽 。」
留言