張繼聰拖白只激老婆
昨日,張繼聰、白只和本屆金像獎最佳原創電影音樂獎得主波多野裕介為電影《今晚打喪屍》錄主題曲《雙截棍》。
阿聰與白只受訪時,主動拉着對方的手,令白只十分尷尬,阿聰則笑言老婆看到一定會呷醋同好嬲。之後他才正經地說:“全憑白只介紹,我才拍到這部喪屍電影,香港都好耐冇拍呢類型電影了。其實呢部戲係舊年暑假拍的,當時要着厚衫通街走,真係好辛苦,我見到白只仲走到面青口唇白。(部戲幾時上映?)今年六月,(會否帶老婆仔女一齊睇?)囡囡太細個,未必會帶埋佢入場,老婆同囝囝想睇都會同佢哋一齊睇。”
白只則表示今次能與萬梓良和吳家麗兩位前輩拍戲,機會難得,“萬子哥喺休息時教我哋好多嘢,感覺就似上堂咁。”
留言