荷里活影星雲迪素(Vin Diesel)同狄維莊遜(Dwayne Johnson)主演嘅《狂野時速8》,於內地開晝兩日,勁收十億人民幣,打破《狂野時速7》五日破十億人民幣嘅成績。截至今日,電影上映四天,內地票房已超過13.8億人民幣。至於台灣票房亦唔輸蝕,開畫當日錄得8,000萬新台幣(約澳門幣2,100萬),破咗台灣影史單日票房紀錄,上映四天累積票房已超過2.2億元新台幣(約澳門幣5,800萬)。
雖然《狂野時速8》票房大收,但有傳雲迪素同狄維莊遜鬧不和。有消息話製片Neal Moritz好鍾意狄維莊遜同積遜史迪咸(Jason Statham)喺片中嘅互動,有意將佢哋拍成外傳電影。《狂野時速8》片尾原本有段關於狄維莊遜同積遜史迪咸嘅彩蛋,講述兩人化敵為友嘅進展。但有指身兼監製嘅雲迪素知道後相當不滿,即向電影公司高層投訴,最終片段被刪,只會收錄於DVD版本中。
留言