羅馬大“比”數
今日有意甲由比斯卡拉對羅馬,升班馬比斯卡拉在卅二場後只得十四分,幾乎可提早降返乙組。
以比斯卡拉人腳級數,實難在意甲立足,餘下賽事唯有靠戰意踢好每一場,今仗對要爭聯賽錦標的羅馬,比斯卡拉肯定凶多吉少。
羅馬目前落後祖雲達斯八分,奪冠機會較微,但要保住第二,頂住第三的拿坡里篡位,三分非取不可。羅馬初盤讓球半/兩球,其攻力不用懷疑,加上比斯卡拉不堪一擊的紙紮防線,羅馬至少贏兩球。比斯卡拉已失七十球,防守差到冇朋友,主場只得一勝五和十負,亦惡唔得出樣。
羅馬跟住三仗將要對拉素、AC米蘭及祖雲達斯三支強隊,若今場失分隨時“阿二”都冇得做,所以絕不能有失。爭緊神射手的迪施高亦要全力爭“士哥”,比斯卡拉防線整定冇運行。
推介:羅馬3:0
足球評述員 Ben
留言