鄭少秋為月底個唱瘦身
昨日,鄭少秋為五月二十八、二十九日假香港紅磡體育館舉行的“鄭少秋半世紀 · 大時代世界巡迴演唱會”排舞練歌,他坦言已經進入最弗狀態:“排舞都排到九九十十,如火如荼。但今次演唱會有很多舞步要記,快快慢慢都有十隻舞,其實很吃力。”本身有“排骨秋”之稱的他,外表更弗過同場不少男舞蹈員,但看起來似乎又瘦了一圈,他說:“最近塊面係削咗啲,可能今次要跳嘅舞太多,加上保靚聲,少食油膩、刺激食物,甚至最愛食嘅榴槤也一律戒口,可能食得太清,體力消耗又大,於是瘦咗。”
秋官被問演唱會期間,太太會否準備愛心飯盒給他,秋官坦言太太一定會安排,但暫時未收到“菜單”,因為這段時間自己忙於排舞練歌。他說:“老婆不斷收到朋友訂飛嘅電話,但個唱飛其實一早已經賣晒。所以真係好感激朋友同觀眾支持,而家仲有好朋友想買飛,但真係冇辦法,只能多謝大家支持,月尾演唱會,我會盡能力做到更好更精彩,落多幾錢心機,排好佢,做靚啲!”
留言