老來得子珍惜相處
蘇永康帶仔來澳開唱
前日母親節,蘇永康在澳門舉行“蘇式情歌演唱會”,囝囝Jazz、老婆、外母、蘇媽媽也有來捧場。蘇永康特別選唱張國榮的《追》送給太太及兒子,本來想帶囝囝上台聽他唱歌,可適Jazz由他開場就一直喊到完場未能上台,老婆要在後台湊仔,連騷也看不到。
有子萬事足的蘇永康,演出後第一時間返後台睇仔,他坦言自己因為不是年輕做父親,所以非常珍惜跟兒子相處的時間,不想錯過他成長的每一刻,本來想唱《追》歌詞:“有了你,即使平凡卻最重要”畀仔聽,可惜想帶佢上台一刻,佢剛剛喊完食緊奶,所以只有放棄,留待下次有機會再帶囝囝上台跟歌迷見面。
老婆過第一個母親節,蘇永康說,因為他剛由加拿大工作回港,馬上又來澳門開騷,所以根本沒時間去買禮物,幸好老婆也明白,沒有怪他。他又笑言阿仔收利市收到最近仍在收,人仔細細已經非常有米,老婆應該拿阿仔部分利市去買禮物,當作是阿仔送給媽咪。
兒子Jazz出生兩個多月,不過蘇永康已經開始煩他入學讀書的問題,並且已經為兒子報定名讀的Play Group,“八至十個月就要去讀Play Group啦,所以近日老婆已經叫我搞報名,報名先知依家讀書咁複雜又貴,個仔出世無兩日,梁芷珊已經帶了成大堆報名表畀我,話有間即將開的英國學校,入場費二百萬,嘩,真係貴到呢!我其實都唔係好識,所以準備等千嬅忙完宣傳《春嬌救志明》之後,想約佢出嚟問吓佢嘅心得,做我嘅指路明燈。”
留言