曼城紅軍守前四
阿仙奴第五踢歐霸
【本報消息】英超大結局,前四之爭終定案!三、四及五位的曼城、利物浦及阿仙奴分途出擊齊贏波,最終曼城及利物浦守住前四取得歐冠資格,仍居第五的阿仙奴來季只能降格踢歐霸盃。
曼城作客屈福特,五分鐘由隊長高柏尼頭鎚揭大勝序幕,阿古路在廿三及卅六分鐘梅開二度擴大優勢,加上費南甸奴及謝薩斯埋齋,湊夠五蛋贈大黃蜂。
利物浦主場鬥篤定降班的米杜士堡,紅軍上半場得勢不得分,在爭四對手阿仙奴及曼城早早開紀錄下,全隊踢得更急躁。半場補時終由韋拿度姆接應費明奴妙傳勁射破網打破僵局。古天奴在五十一分鐘妙射罰球拉開比分,加上拉蘭拿五分鐘後的入球,紅軍大勝三比○鎖定前四。
贏愛華頓亦冇甜頭
求人求己的阿仙奴主場鬥愛華頓,八分鐘由比拿連門前混戰先拔頭籌,雖然中堅哥斯尼六分鐘後從後鏟人被逐,仍憑山齊士在廿七分鐘的入球拉開比分。拖肥糖在五十八分鐘憑盧卡古的十二碼破蛋,但艾朗藍斯完場前為兵工廠鎖定贏三比一,惜最終排名不變。
曼城、利物浦及阿仙奴齊贏,曼城保住第三直入歐冠分組賽;少兩分的利物浦成功守住第四,獲歐冠附加賽資格。阿仙奴雖贏波,仍以一分之差屈居第五,來屆只能降格踢歐霸盃。
留言