西班牙勢食“塞”
早幾日有波友電郵小弟,問澳門對緬甸場波點睇?澳門大敗有乜嘢評論?今日推介前,答吓呢位問題波友。首先,比賽當日小弟在外地,澳門表現如何無可奉告。第二,小弟根本冇資格去評論任何球隊,所以只答四個字“恕難從命”。畀澳門隊都係四個字:“繼續努力”。
今日講場歐國盃U21分組賽,西班牙對塞爾維亞。“小紅牛”上場擊敗葡萄牙後,兩連勝已穩奪八強,唔排除今戰會保留實力,派多名副選上陣。不過呢班後備力量依然具一定級數,基本都係歐洲五大聯賽球會的主力球員,個人平均技術與質素仍在對手塞爾維亞之上,只要發揮正常應可小組三連勝。
塞爾維亞兩戰只得一和一負,要保住爭入八強希望非勝不可,惜上仗對同組最弱的馬其頓,亦只能在完場前逼和對手,今仗要贏“小紅牛”談何容易。 推介:西班牙2:0
足球評述員 Ben
留言