謝霆鋒擺擂台挑戰星級大廚

媒體

分類

新聞

謝霆鋒最近忙於籌備內地飲食節目《12道鋒味》第四季，今次他決定搞搞新意思，全球公開招募「廚神」組成八人團隊，在他領軍下向世界各地的廚藝高手挑機，而得分最高的頭三位新晉「廚神」，更可瓜分200萬港幣創業基金，霆鋒透露已有不少星級大廚向他挑機：「有好多國家嘅廚神，今次都唔知點死。」

謝霆鋒因主持《12道鋒味》，大廚形象深入民心。

日前，霆鋒宣布進行民間廚神選拔大賽，通過初選的60名美食達人，將齊集上海進行三日的「廝殺大賽」，最終選出八名「廚神」和霆鋒四圍去，拜會全球星級大廚。霆鋒於Facebook專頁上載影片呼籲大家參加，由本月月底開始，參賽者可把烹飪短片上傳到官方Facebook 專頁，再由霆鋒作出甄選。

謝霆鋒於Facebook專頁上載影片，呼籲網民參與比賽。

謝霆鋒搞民間廚神選拔大賽，預計暑假檔會有「廝殺大賽」。

問到為何萌起選民間廚神？霆鋒解釋：「唔一定係民間，可以係酒店嘅大廚，只不過想多啲人一齊玩，大家都話『高手在民間』，可能有啲唔喺美食界，但又好煮得嘅人。」談到對「廚神」的要求，霆鋒坦言默契最重要：「同對手打無默契嘅話，再犀利都打唔到.。所以最希望搵一批好投契嘅人，相信基本功大家都有。」

霆鋒表示已聯絡世界各地觀光局，更表示已有好多人向他下戰書：「好多人想挑戰《12道鋒味》，我哋已經接到好多國家嘅星級大廚，而可以同我捱到最後嘅人，有機會得到超過200萬港幣的創業基金。」問到可有明星賽？霆鋒笑言：「會請好出名嘅明星嘉賓，有幾多可以參賽要睇佢自己，對方想幫手我無任歡迎。」

謝霆鋒透露會請明星嘉賓，但就要贏到比賽先可以參與。

謝霆鋒 擺擂台挑戰星級大廚