古天樂望同唐詩詠再合作

媒體

分類

新聞

日前，古天樂（古仔）和唐詩詠一起出席公開活動。露出三吋事業線的唐詩詠性感現身，成為全場焦點。對於有傳她簽約古仔旗下電影公司，唐詩詠強調只是傳聞，自己會準備好CV（履歷），找機會自薦。問到會否擔心再傳緋聞？古仔笑言：「呢啲嘢都係記者寫㗎啫，應該唔會。」

古天樂透露身穿的西裝十幾磅，但未及新戲的戲服重。

在接受採訪時，古仔透露身穿的西裝十幾磅，但都未及演出科幻片三、四十磅重的戲服：「已經輕咗好多，之前件戲服著到頸骨移位，睇咗兩個禮拜醫生。剛痊癒就著呢件十幾磅嘅衫，真係驚自己唔死！」談到唐詩詠準備CV自薦，古仔話：「好啊！叫佢直接Send畀我。（先交換電話？）不嬲都有，識咗好耐！」

古天樂表示會幫手推薦唐詩詠。

談到當年他推薦唐詩詠演出電影《逃出生天》，古仔表示當時覺得角色適合，而電影公司老闆答應便成事，他表示將來有合適機會，都會向老闆推薦：「我都想再度合作，但我只係演員，冇資格話簽邊個，決策權喺電影公司老闆身上。但佢真係可以Sent 個CV畀我，等我再傳畀人。」

當年古天樂推薦唐詩詠演出《逃出生天》，從而傳出緋聞。

問到會否擔心怕兩人再度傳出緋聞？唐詩詠表示：「唔會，大家唔好咁心急幫我搵。（有冇追求者？）冇，呢兩個月人生真係畀晒TVB，一拍劇就好難發展感情，因為真係好忙，對方要體諒我工作。」問到會否再揀圈內人？她說：「緣分嘅嘢好難講，但同圈中人某個程度好大壓力，而家唔諗住，緩衝下先。」

古天樂 望同唐詩詠再合作