美洲金盃賽好波上演
歐洲各大聯賽雖然仍未開鑼,各路勁旅熱身賽又要多等一會,但廣大波迷仍不愁冇比賽睇。繼洲際國家盃後,明早緊接有美洲金盃賽展開,墨西哥、美國等各路勁旅再次聚首鬥餐死,賽事在澳門時間早上開波,波迷不妨買定早餐睇好波。
美洲金盃是由中北美洲及加勒比海足球協會每兩年一度舉辦的國際賽事。原本只規定該足協的成員國參與,但和美洲盃一樣,為增加賽事可觀性,其後放寬資格邀其他洲份球隊參與,巴西、哥倫比亞、韓國及南非等曾先後參賽。有趣的是雖然受邀球隊實力更強,但從未贏過美洲金盃。巴西和哥倫比亞一度躋身決賽,但最終不敵美國和加拿大屈居亞軍。
今屆和上屆一樣,續由美國主辦及加拿大協辦。今屆冠軍將在一九年迎戰當年的美洲金盃冠軍,勝方可參加二○二一年洲際國家盃。若同一隊連贏一七及一九年冠軍,則自動取得洲際盃參賽資格。今屆賽事共有十二隊分成三組,雖然美國、墨西哥都以國內球員為主參賽,但實力仍在其他參賽球隊之上。墨西哥能否如願再蟬聯美洲金盃,效力波爾圖的翼鋒哥朗拿、守衛艾耶拉等演出好壞將左右大局。
賈大廚
留言