新晉影帝林家棟、古天樂（古仔）、Chris Collins及泰拳拳霸Tony Jaa主演的新戲《殺破狼．貪狼》將於下月25日上映。今次是古仔首度挑戰武打角色，他在片中為尋找失蹤的女兒獨闖龍潭，打戲強度大，親情戲又虐心，可謂身心都備受折磨。不過，動作導演洪金寶卻對古仔的表現十分滿意，更封他做「動作新人王」。

《殺破狼． 貪狼》是古天樂入行以來首度挑戰武打角色。

四大主角亮相記者會，宣傳下月上映的新戲。

洪金寶對古天樂的表現十分滿意，封他做「動作新人王」。

由2015年首集《殺破狼》開拍至今，監製黃柏高和導演葉偉信、動作導演洪金寶合作已十分有默契。一向處理感情戲有一手的葉偉信，表示今集除了動作有睇頭，更希望劇情感動觀眾，他說：「今次係一部講述關於命運嘅動作片，除咗延續拳拳到肉嘅打戲，仲加入咗更多感情戲，希望觀眾睇完之後，從動作到情感都得到滿足。」

監製黃柏高和導演葉偉信合作多次，已十分有默契。

古天樂和Chris Collins即場切磋，展示動作場面。

獨闖泰國救女兒

古仔在片中飾演為了尋找失蹤的女兒而獨闖泰國的爸爸，他直言有「身心被虐」的感覺：「第一次演一個青春期女仔嘅爸爸，呢個角色內心好糾結，女兒喺泰國失蹤，只能憑自己嘅力量跨國去追，擔心、憤怒、暴躁嘅情緒都會有，感覺自己一直被虐。唔知點解而家啲導演好鍾意搵我演爸爸，最近每部戲都係做爸爸。」

古天樂為了尋找失蹤的女兒而獨闖泰國。

古天樂表示第一次演一個青春期少女的爸爸。

打戲難度超出想像

除了文戲令古仔心理受折磨，打戲的強度和難度也超出了想像，他說：「最難忘有一場畀Chris Collins用鐵勾插大脾拖住行，雖然唔係真插，但拍足大半日至收貨，感覺係『痛到入心』。」對此，洪金寶搞笑表示：「經此一次，古仔唔單止可以拍『床上動作戲』，仲有望成為新一代動作巨星，希望下次我可以代佢演文戲同床上戲，佢專注打。」

Chris Collins飾演黑幫主腦，將與古天樂上演貼身肉搏。

古仔透露最初看劇本時，導演葉偉信說動作戲大部分都被林家棟、Chris Collins及Tony Jaa包攬，所以他覺得很放心，但突然有一日，動作指導洪金寶跟古仔說，有一場動作戲大概十幾分鐘，古仔聽到後非常擔心：「最後唯有跟住洪金寶苦練，希望唔好拖後腿，爭取做一名合格嘅『新晉打星』。」

林家棟在片中飾演大反派，表現令人期待。

被封為動作新人王

古仔直言十分羨慕Chris Collins及Tony Jaa對打的動作：「我覺得就算我學一世都做唔到佢哋咁完美。」不過，洪金寶卻大讚古仔夠博，領悟力又好高，對他表現十分讚賞：「佢嘅好無法形容，因為佢原本唔打，只會演感情戲，而家突然話要演打戲，你話我有幾擔心？但係古仔愈拍愈好，都冇諗過佢可以咁犀利，封佢做『動作新人王』啦！」

泰國拳王Tony Jaa打戲親身上陣，拳拳到肉。

《殺破狼．貪狼》簡介

故事講述由古天樂飾演的香港警察李忠志，得悉女兒陳漢娜在芭堤雅旅行時突然人間蒸發後，親赴泰國尋找女兒下落。當地探員吳樾及同袍Tony Jaa協助追查，卻遇上了黑幫Chris Collins，令眾人身陷險境。而在調查過程中，不但發現這次失蹤與曼谷市長候選人有關，更率涉其幕僚林家棟，古天樂將為救女兒而展開追截並與之搏鬥！