巴塞紅魔鬼和為貴
國際冠軍盃明早續有重量級對戰,西、英兩大豪門“互片”,巨星如雲的巴塞羅那撼曼聯。
巴塞在首場國冠盃旗開得勝,擊敗意甲班霸祖雲達斯,狀態不俗,特別盛傳將加盟聖日門的尼馬,似乎要表現出物超所值的身價;美斯、恩尼斯達及艾卡沙等亦發揮應有水準,只有在下半場上陣的蘇亞雷斯冇貨交,但最大原因係所有“拍檔”休戰。巴塞在半場已收起大部分主力,證明國冠盃始終屬熱身賽性質,各隊志在操起狀態與新舊球員配合,勝負只係其次。
同樣道理,曼聯上場火併皇馬,雙方半場都大輪換,贏波事小,最緊要球員能健健康康等新球季開鑼。
今場巴塞與曼聯拍跳,當然兩隊都唔想輸波收場,擁有MSN的巴塞牌面上應可稍睇高些少,不過曼聯經過多場磨合,整體狀態明顯較佳。初盤巴塞讓半球,捧曼聯力保不敗。
推介:和波一比一
足球評述員 Ben
留言