陳美詩爭做樂壇新人
剛為人妻的陳美詩(Macy)昨日到電台宣傳新歌《我要照顧你》,她表示之前放慢了腳步,但並無放棄唱歌,又謂老公孫耀威聽過首歌都話幾好。
對於孫耀威取笑她幾十歲才做樂壇新人,Macy說:“新人冇年齡界限,時機問題。(有新人獎會唔會爭?)冇諗,都唔知算唔算,要睇到時點。(孫耀威指希望你快些走紅,令他可以食拖鞋飯?)要睇我有冇咁大成就、佢乖唔乖先啦。”Macy指很多人覺得結婚後是老公照顧老婆,但其實很多女人婚後可以照顧男人,歌曲正是想表達“女人可以好勁”的心聲。
Macy昨日以透視露腰裝現身,問到造人問題,她說:“造人是某些特定時間做,日頭可以出來做事。”問到婚後老公是否將一半資產分給她?Macy笑說:“我兩個冇乜秘密,我知道佢戶口密碼,雖然佢把口講到自己點點點好勁,其實私下好乖。(怕老婆?)又唔可以話係怕老婆,係互相尊重。”
留言