謝賢養生一日吊幾次
謝賢(四哥)被喻為是“Chok王之王”,最近他接受鄭紹康為奇妙電視主持的《天下第一Friend》節目訪問,親自解開Chok爆兼不老之謎!原來四哥家有倒吊機,他以招牌笑聲朗朗笑道:“我日日都要吊幾次口架!”
倒掛身體可加促血液循環,四哥年屆八十,仍有一頭濃密頭髮,是否跟倒吊有關?他承認:“早年我本來有一撮白髮,後來吊吊吓就冇咗,都幾神奇!不過我阿媽一百○二歲過身時,都有好多頭髮,而且仲係灰色,我希望第日都可以好似佢咁!”
四哥每日玩倒吊,還邊吊邊拍打臉部減少皺紋,至於飲食和生活作息,他說:“我乜都食,從來唔戒口,以前仲會打通宵牌,依家得閒就去行吓山。醫生幫我定期檢查,各種指數都正常,我應該仲可以撈多兩、三年嘅,哈哈!”
對於被指Chok,四哥坦言從來沒有刻意去經營,他說:“我只係因為做呢行唔可以失禮人,所以打扮吓,Chok只係人哋覺得!”
留言